Halló dúllurnar mínar

Nú er margt búið að gerast síðan síðast. Ég fór með pabba og mömmu í Húsdýragarðinn, veðrið var vægast sagt frábært. Við dúlluðum okkur þar og pabbi keypti pylsur og pylsubrauð og grillaði handa sér og mömmu, ég fékk líka smá smakk og svo fékk ég ís og jógúrt. Við hittum m.a. Sigurbjörgu og Árna, manninn hennar. Sigurbjörg var alveg komin að því að eignast barn. Mamma sagði að það væri strákur og viti menn, hún hafði rétt fyrir sér. Sigurbjörg átti strák 30. júlí. Svo hittum við líka Sædísi frá Húsavík og manninn hennar og litla strákinn þeirra sem heitir Aron. Hann er fæddur 2. september 2001 og við mamma ætlum að heimsækja þau einhverntíma bráðum. Kannski verðum við Aron vinir því að við erum á svo líkum aldri. Pabbi er nú reyndar búinn að setja myndir frá þessari ferð á heimasíðuna mína. Síðan er bara búið að vera voðalega gaman hjá mér. Ég var hjá ömmu á mánudaginn 29. júlí og eins og alltaf fórum við í gönguferð og ég svaf og lék mér á gólfinu þar til mamma kom að ná í mig. Nú er mamma líka farin að fara aftur í gönguferðir á daginn og þá förum við á vagninum fína og mér finnst rosalega gaman. Fyrst sit ég uppi og horfi á allt sem er að gerast og svo legg ég mig og sofna. Á fimmtudaginn kom Jón Ingi, hálfbróðir minn, og hann ætlar að vera fram á þriðjudag. Á föstudeginum fóru ég og mamma, Jón Ingi og amma í Kringluna og aldrei slíku vant keypti mamma ekkert handa mér en hún keypti buxur, peysu og skó handa Jóni Inga í staðinn, þannig að auðvitað var hún

að eyða peningum. Síðan gerðist það að veðrið var ömurlegt en við fórum samt í sumarbústað til langömmu og langafa í Vaðnes í Grímsnesi. Þar var margt um manninn. Amma Guðrún sá alveg um að mér leiddist ekki og tókst henni vel upp. Við djömmuðum mikið og svo fór ég í kerruna mína að sofa í rokinu og rigningunni. Amma sá út um gluggann að mamma var illa klædd og kom og færði henni úlpu og flíspeysu af sér og svo þegar ég sofnaði þá var þetta allt breytt ofan á mig og mér leið vel og svaf lengi úti í rokinu með úlpuna hennar ömmu minnar. Við borðuðum í boði Tobbu frænku, Ástu frænku og ömmu. Það var göfugt og vandað eins og alltaf, það myndi Tobba alla vega segja. Ég var næstum búinn að gleyma að við komum við í Hveragerði á leiðinni í sumarbústaðinn og heilsuðum upp á Sigrúnu og Valda. Þar var svo margt fólk að við héldum að það væri útihátið... nei ég segi nú bara svona. Ég fékk ís, að sjálfsögðu Kjörís og var glaður að sjá alla krakkana og kettlingana sem þarna voru. Um kvöldið var horft á sjónvarp og legið í leti. Á sunnudeginum var heljar rigning og ógeðslegt veður. Pabbi og Jón Ingi fóru í keilu en mamma lét veðrið ekki á sig fá og fór í gönguferð og enduðum við í Blesunni. Ég svaf lengi þar. Pabbi kom svo og hann og mamma fóru heim og mamma fór í bað og svo var aftur farið í Blesuna og grillað. Pabbi keyrði Jón Inga og Ása, frænda hans, í bíó og við fórum heim að sofa. (ég allavega). Ekki var veðrið betra á mánudeginum en afa langaði að fá mig í heimsókn svo að mamma keyrði mig þangað og fór svo að vinna smá. Þegar hún náði í mig var ég hress og kátur og aldeilis búinn að skreppa út með afa og ömmu.