Við fórum að týna dótið okkar saman og lögðum í hann til Reykjavíkur um kl. 14:30. Eins og áður heyrðist ekki í mér á leiðinni. Við komum í bæinn um kl. 21:00. Þá kíktu afi og amma aðeins á mig. Á mánudaginn var ég hjá ömmu og mamma var hjá Kristínu. Á þriðjudeginum fóru ég og mamma til ömmu og dunduðum okkur þar. Svo er bara búið að vera ósköp lítið um að vera þessa viku. Veðrið er ekki búið að vera neitt sérstakt en við erum nú samt búin að fara út í stuttar gönguferðir og við mamma reyndum að kaupa öryggisvörur fyrir heimilið í BabySam en það var svo dýrt og enginn sem aðstoðaði mömmu þannig að við bara fórum heim aftur. Ingibjörg, Jónína litla og stóra, Sigrún Guðný og Arndís kíktu einn daginn og ég fór með mömmu og ömmu að kíkja á nýja húsið hans Ottós frænda. Þegar ég sá Ottó varð ég voða hræddur en jafnaði mig nú fljótt. Síðan tók ég uppá því að vilja ekki sofa, bara sjúga brjóst alla nóttina. Var frekar önugur og var nánast að hafa það af að gera mömmsuna mína alveg galna. Á föstudeginum fór mamma með mig til ömmu og amma gat látið mig sofa í tæpa klst. Ég er líka búinn að missa matarlystina þannig að mamma er nánast ráðþrota með mig. En á föstudagskvöldið fór ég til að gista hjá afa og ömmu. Pabbi og mamma keyrðu mig þangað kl. 18:00 og ég svaf í bílnum þegar þau kysstu mig bless en þau ætluðu í grillferð út í Viðey með vinnunni hans pabba. Mamma hringdi til að gá að mér um kl. 21:00 og þá sváfum við afi fögrum svefni. Kl. 10:30 morguninn eftir hringdi mamma og vildi fá mig heim. Afi sagði henni að ég hefði vaknað aftur og sofnað um kl. 23:30 og sofið í einum dúr til kl. 08:00 fékk þá pela

(bara amma má gefa mér svoleiðis og pabbi þegar hann er einn með mig) og sofnaði aftur til kl. 09:30. Þannig að ég var brattur þegar ég kom til mömmu og pabba. Ég svaf líka hjá þeim í einn og hálfan tíma eftir hádegi. Við skruppum aðeins til Sigga kokks og fengum okkur kjöt til að grilla. Ég var voða góður allan daginn. Sofnaði um kl. 23:30 og svaf til 02:00 vaknaði samt x3 til að láta snúa mér og vakti frá 02:00 til 04:00, var samt alveg góður, bara gat ekki sofið einhvernveginn. Sofnaði þá og svaf til 07:00 fékk að drekka brjóst og svaf til 09:00. Þetta telst nú ekki mikill svefn. Pabbi svaf þetta brölt mitt í nótt alveg af sér þannig að hann fór með mig fram og mamma fékk að sofa. Ég fór inn til hennar kl. 12:00 og svaf til rúmlega 13:30. Síðan er ég bara búinn að vera í fjöri. Tóta, Óskar, Helena og Sæmundur kíktu í heimsókn seinni partinn í dag en ég sofnaði nú bara miðju partýi og svaf í 30 mín. eins og mér einum er lagið. Eflaust finnst einhverjum hundleiðinlegt að lesa um svefnvenjur mína en ég held að mamma sé að reyna að finna út eitthvert munstur hjá mér þannig að þetta er ágætis vettvangur til að skrá þetta, finnst henni. Pabbi grillaði aftur í kvöld og ég borðaði ágætlega (loksins) af kjöti en vildi ekki sjá kartöflur eða annað grænmeti, frekar en fyrri daginn. Amma á Hvolsvelli var hérna og hún mataði mig og leyfði mömmu og pabba að njóta matar síns. Ég var í fullu fjöri og fékk að vera í göngugrindinni fram eftir kvöldi og sofnaði svo hjá mömmu kl. 23:00 og er bara búinn að vakna einu sinni kl. 00:15. Mamma vonar bara að ég fari að jafna mig á þessu og sofa betur.